ଆଡେଣିଗଡ଼ ରେ ଉଦଯାପିତ ହେଲା ଦଶହରା ପୂଜା

ହରଭଙ୍ଗା- ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ଆଡେଣୀଗଡ ଗ୍ରାମପଂଚାୟତ ସଦରମହକୁମା ସ୍ଥିତ ସ୍ଥାନୀୟ ସ୍ୱାମୀ ବିବେକାନନ୍ଦ ଯୁବକ ସଂଘ ପକ୍ଷରୁ ଆୟୋଜିତ ମା ଦୁର୍ଗା ଙ୍କ ଦଶହରା ପର୍ବ ଉଦଯାପିତ ହୋଇଯାଇଛି । ଉଦଯାପନୀ ଅବସରରେ ପୂଜାମଣ୍ଡପ ସମ୍ମୁଖରେ ସ୍ଥାନୀୟ ଆଡେଣିଗଡ଼,ଗୋଛାବାରୀ,ଅଞ୍ଚଳର ମହିଳା କୃଷ୍ଣଗୁରୁ ନାମସଙ୍କୀର୍ତନ ଦଳ ମାନଙ୍କୁ ନେଇ ନାମସଙ୍କୀର୍ତନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଫଳରେ ପୂଜାମଣ୍ଡପ ରେ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଥିଲା ।

ଚଳିତବର୍ଷ ସରକାରଙ୍କ କରୋନା କଟକଣାକୁ ପାଳନ କରି କମିଟି ପକ୍ଷରୁ ଶାରଦୀୟ ଦୁର୍ଗା ପୁଜା ଅନୁଷ୍ଠିତ ହୋଇଥିଲା । ଅଷ୍ଟମୀ ତିଥିରୁ ଆରମ୍ଭ ହୋଇଥିବା ମାଆ ଦୁର୍ଗା ଙ୍କ ପୁଜା ନବମୀ,ଦଶମୀ ତିନିଦିନ ଧରି ମଣ୍ଡପରେ ସ୍ୱତନ୍ତ୍ର ରିତିନିତି ଅନୁଯାୟୀ ପୁଜାର୍ଚ୍ଚନା କରାଯାଇଥିଲା । ବିଜୟା ଦଶମୀର ସନ୍ଧ୍ୟାରେ ମହାମାୟା ଙ୍କ ନିକଟରେ ଶେଷ ଆଳତି ସହିତ ସମାପନ ହୋଇଥିଲା ପୁଜାର୍ଚ୍ଚନା । ଚଳିତବର୍ଷ କମିଟିର ସମସ୍ତ ସଦସ୍ୟ ସକ୍ରିୟ ଭାବେ ସହଯୋଗ କରିଥିବା ଜଣାପଡିଛି । ଆଜି କମିଟିର ସମସ୍ତ ସଦସ୍ୟଙ୍କ ଉପସ୍ଥିତିରେ ମାଆ ଙ୍କର ଭଷାଣି କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ନେଇ କମିଟିର ସଦସ୍ୟ ପ୍ରତାପ କୁମାର ସାହୁ ସୁଚନା ପ୍ରଦାନ କରିଛନ୍ତି ।